18. edizioaren afixa.
Nobedadez beterik dator jaialdiaren 18. edizioa. Batetik, lau urtez
Heletan egon ondoren, Lekornera mugitu da (Baionatik 20 bat minutura) eta bestetik, irudi berria aurkeztu digute: hemendik aitzinera, hartza batek agurtuko
gaitu
"18 urte, arduren urtea, esperientzia berriena, arriskuena eta gogo guzien
urtea", adierazi dute antolatzaileek. Aurtengoa, haien esanetan,
aldaketen urtea baita:
"Zintzoki eta beldurrik gabe aurrera begira jarri
da EHZ, beste herri batekin historio berri baten idazteko xedez. 18
urtez ikasitakoaz jabeturik, akatsetatik haunditurik, zauriekin
indarturik. Arrosako lehen taupadak izugarriak izan ziren, ekiten
ikasi zuen festibalak, antolatzen, jorratzen, laguntzaile bakoitzaren
eskuetan eta gorputzean transmititzen eta sentitzen ikasi zuen. Idauzen,
Xiberuak eta EHZk onena eman zioten bata besteari. Bertako
errealitateaz jabetu zen EHZ. Heleta iritsi zen ondoren, urte
liluragarriak, arriskuak hartuz urte guzitan bezala sendotu eta
jantzi zen EHZ. Orain esperientzia berri batera doa EHZ, bizipen
berrietara, laguntzaileek egina, laguntzaileek biziaraziko dutena".
Jaialdiaren kokapen berria
Lekorneko
Garroa gaztelua da.
Bestetik, gaur goizean festibalaren irudi berria aurkeztu dute:
hartza bat.
"Festibala hartza bezain indartsu denez, anbizio berri batzuekin heldu zaiku", adierazi dute.
PROMOZIO TXARTELAKTxarteltegia gaur bertan ireki dute. Kasu, eskaintza ez delako nolanahikoa! EHZ-k 3 eguneko sartzeak edo, beste moduz erranda,
3 EGUN + 4 ESZENA + 60 IKUSGARRI = 45 euro. KASU ESKAINTZA honek hilabete bat iraunen du eta LEHEN 1000 PERTSONENTZAT IZANGO DA! Aurresalmentak interneten soilik izango dira:
www.ehz-festibala.eu