Anne Etchegoyen-en disko berria: Emazte

Emazte du izena Anne Etchegoyen abeslariaren disko berriak. Eta “emakumeak ospatzeko pentsatutako lana” da, zinez. Euskal historian emazteek izandako papera balioetsi nahi du artistak, euskal jendartean izan duten leku nabarmena argitara atera. Etxea gobernatu izan duten etxeko andreen, amen eta emazteen omenezko diskoa da, baina baita neska abenturazale, grinatsu eta gogor guztiei eskainia, baita artista, maitale… orori ere.

Horretarako, Etchegoyenek ikuspegi freskoa eta aurrekaririk gabea ekarri du hainbat euskal kanta herrikoi eta tradizional birkantatzeko. Boga boga, Mendian gora haritza, Askatasunera… urte luzez gizonek abestutako hitzak bere egingo ditu. Ez da bakarrik ariko, hala ere: gizonezko lau abeslari profesionalek osatutako euskal koru gazte bat, 20-35 urte bitartekoa, izango du inguruan.

Gainera, indarkeria matxista salatzeko abesti berezi bat prestatu du Itziar Ituñorekin batera: No es no.

Bilboko publikoari abenduaren 10ean aurkeztuko dio Emazte, Arriaga Antzokian.

Urtarrilaren 17an, bestalde, Mungiako Olalde aretoan ere egingo du emanaldia.