Coldplay banda britainiarrak proiektu berria dakar udazkenerako. Musick of The Spheres diskoa merkaturatuko dute urriaren 15ean. Max Martinek ekoitzi du laukotearen lana, eta 11 abestik osatuko dute.
Diskoak argia ikusteko hilabeteak falta diren arren, taldearen webgunean eska daiteke aurretiaz, eta hainbat formatutan.
Gaur gaurkoz, abesti bakarra zabaldu dute proiektu berriaren aurrekari gisa: Higher Power.