Memoria historikoko ariketa bat bezala ulertzen du Brigade Loco taldeak Gaztelu Beltza kanta: «Historiaren transmisio hori irudikatzea zen gure nahia, belaunaldiz belaunaldi egin beharrekoa. Talde bakoitzak edota sektore bakoitzak badu bere publikoa eta badakigu zer terminotan hitz egin behar dugun”.
Nabarralde elkartearen kolaborazioa izan dute proiektuari kutsu historiko hori emateko eta lanketa sakonagoa egiteko. Hala, kanta bera birmoldatu dute, berriz ere grabatu dute, eta horretan oinarrituta osatu dute bideoklipa.
Amaiurren bertan grabatu dute ikus-entzunezkoa, duela 500 urte setiatua izan zen gazteluan, eta herritarrek aktiboki hartu dute parte.