Euskal Herriko Musika Bulegoak, MIL Lisboa jaialdiarekin elkarlanean, euskal musika elektronikoaren ekoizleei zuzenduriko erresidentzia artistikoa antolatu du Lisboan.
Brava musikari donostiarra gailendu da hautaketa prozesuan eta, beraz, sei egunez ariko da Lisboan, nazioarteko hainbat artistekin elkarlanean. Zehazki, Bleid, Clara! eta Black Mamba izango ditu alboan.
Sei eguneko sormen aldi horren emaitza irailaren 28an aurkeztuko dute zuzenean, MIL Lisboa jaialdiaren aurkezpen egunean.