Zombie Jaialdiak zortzigarren ekitaldia beteko du aurten. Aurreko edizioetan bezalaxe, zuzeneko saioak Larratxoko Kultur Etxean izango dira (Donostia), eta sarrerak eskuragarri daude jada donostiakultura.eus webgunean edota txarlymetal@hotmail.com helbidera idatzita.
Lehenengo hitzordua azaroaren 15ean izango da, ostirala.
Unbound, Blast Wave, Ad Eternum eta Storm Warrior taldeek emango dute kontzertua. Azken hauen kasuan, gainera, Euskal Herrian emango duten lehendabiziko saioa izango da. Unbound eta Blast Wave bandek, bestalde, euren disko berria aurkeztuko dute. Ateak 19:15etan zabalduko dituzte
Bigarren saioa larunbatez izango da, azaroaren 16an.
Primordial, Numen, Noctem eta Orphans of Piety taldeen txanda. Ateak 19:30ean zabalduko dituzte. Sarrerak 25 eurotan eros daitezke online, edota 30 euroren truke bertan.