Anestesia bueltan da, eta Mikel Kazalis-ek adierazi duenez, “bizirik sentitzea zer den aldarrikatzeko gogoz”.
Iazkoa urte gazi-gozoa izan baitzen taldearentzat. Gorrotoaren ahotsa lehen diskoaren 25.urteurrena ospatzeko kontzertu-biran zebiltzan Kazalisi minbizia diagnostikatu ziotenean. Zuzeneko gutxi izan ziren, baina aretoak lepo bete zituzten. Gaitzak, baina, gelditzera behartu zituen, “inoiz baino indartsuago” zeudenean.
Orain, baina, Kazalis osatuta, euren errautsetatik berpiztuta, zuzenekoei ekingo diote berriz. Horrexegatik jarri diote ‘Fenix Tour’ izena udazkenean abiatuko duten kontzertu-birari.
Hauxe da orain arte iragarritako daten zerrenda:
Urriak 31: Totem Aretoa, Atarrabia.
Azaroak 21: Plateruena, Durango.
Abenduak 12: Atabal, Miarritze.
Abenduak 26: Doka, Donostia