Hamabost urte beteko ditu Andoaingo Rock Jaialdiak, eta bederatzi bandak osatutako egitarau indartsua dakar udaberri amaierarako. Garage festazalea, country rock&rolla, 70eko rocka, punk primitiboa… eta sekulako giroa agindu dute antolatzaileek.
Black Lips kartelburuekin batera, The Schizophonics, The Giant Robots, The Courettes, Chocolat Billy eta Nize, ariko dira zuzenean Andoaingo Nafarroa plazako eszenatokitik. Iluntzeko kontzertu horiek 18:00tan hasiko dira, eta doakoak izango dira.
Baina giroa lehenago hasiko da, eguerdian, Aperitif programarekin. Bertako hiru talde ariko dira: Arima, Siglas eta Krin, eta rocka, shoegaze nahiz popa ekarriko dituzte.