Gallarta, Balmaseda, Muskiz eta Barakaldoko eraikin industrial enblematikoek hartuko dute 1000 Gradutan musika zikloko kontzertu sorta. Ekainaren 2, 3, 4 eta 5ean emanaldi bana izango da, guztiak 20:00tan hasita eta doakoak.
Hain justu Ellas talde balmasedarrak emango dio hasiera egitarauari. Gallartako Mina Concha II-ko zelaigunean ariko dira, garai batean Europako burdin meatzerik handiena izan zenaren atarian.
Ekainaren 3an Balmasedako Lan Encartada Fabrika Museora mugituko da jaialdia, eta han Idoia artista aramaioarra igoko da eszenatokira.
Laugarren kontzertua Muskizko El Pobal burdinolaren kanpoaldean emango du Bulego taldeak, ‘Erdian Oraina’ estreinako diskoko kantak ekarriz.
Eta, amaitzeko, Nøgen-ek Barakaldon itxiko du 1000 Gradutan; Barakaldoko Ilger eraikinean (Altos Hornos de Vizcaya-ko egoitza ohia) joko dute.