Ezinezkoa da Zein?-en lehen lanari buruzko artikulua Ama Sayren aipamenik egin gabe hastea. Bi taldeen arteko konparazioa egiteko baino, 90eko hamarkadan euskarazko rockari freskotasuna eta ideia berriak ekarri zizkion taldea aldarrikatzeko eta laburki bada ere, haren bidea gogora ekartzeko baliatu behar da aukera. Beti Muganekin batera, nazioarteko rock alternatibo edo independentearen eraginak (Neil Young, Pixies, Sonic Youth, Yo La Tengo...) gurera ekarri zituen taldea izan zen Ama Say.
Sopuertako laukotearen kasuan, eragin musikal horiek literaturatik eta zinematik hartutako erreferentziekin osatzen zituen kantuetan. Tamalez, Ama Sayren historiak ez zuen asko iraun, bost urte inguru. Tarte horretan bi disko