Sunthunder Records-en zigilua.

Lotura erlazionatuak

• http://www.sunthunder.net/

(1985). Diskoan grabaturiko kantuek Kusworthen marka nabarmena daramate, alegia, Johnny Thunders, Rolling Stones eta antzeko bekatarien ondaretik edaten duten bazterreko tempo ertainak. Doinuok estreinako entzunalditik erraz-erraz sartzen dira, gitarra akustikoekin eta ahots arrastatuarekin jantziak. Lan sendoa, landua eta kutsu klasikoduna da. Elegantea.

Sunthunder diskoetxeko kideek Jacobites taldearekiko erakusten duten grina, The otter song / Appartment to compartment singlean gauzatzen da, zeinak Kusworthen eta Suddenen bi kantu gordetzen dituen. Lehenengoa Suddenek grabatu zuen 2003an Frantzian; bigarren aldeko kantua, aldiz, Jacobitesen klasikoa da, Kusworthek eta Los Tupper-ekin grabatua. Bigarren horretan haize atala nabarmentzen da, eta aurretik iruzkindutako diskoan ere entzun daiteke.

Bestalde, Ya Te Digo Bilboko bandak Sonic Trash izenarekin grabatu du Hey Chica!!! izenburuko lana. Diskoaren edukiari dagokionez, soinu ikaragarriarekin jasotako bederatzi kantu ausart biltzen ditu. Kantuok Girls Vs. Boys, Circus Lupus, Sonic Youth, Hot Snakes edo El Columpio Asesino taldeekin aldera daitezke; hau da, etorkizunera begiratzen duten, eta harrizko rock oinarri klasikoaren sostenguan altxatzen diren kantuak. Gitarrek entzulea harrapatu eta itotzeko ahalmena erakusten dute, gordin. Soinu teknikarien lana bikaina da (Santi Garcia, I