Makina bat urte daramatza Mikel Gorosabel Norton eibartarrak musikaren mundu ero bezain bizigarrian. E. H. Sukarrarekin sei disko kaleratu zituen. Halere, ipurterrea eta musikaria izaki, beste bide bat hartzea erabaki zuen Norton Klub egitasmoarekin. 2005eko urrian lehen diskoa kaleratu zuen: Kale artean, Bartzelonan grabatutakoa. Bost abesti eta hamaika estilo, rocka ardatz moduan hartuta. Disko aberatsa,