Bildumaren azala
Klikatu argazkien gainean handiago ikusteko
Metak diskoetxeak hiru urteko ibilbidea laburbiltzen duen bilduma potoloa argitaratu berri du. Berez, disko liburu bat baino gehiago da: CD, liburuxka, eta DVD batez hornitua baitator tapaki gogorreko lan hau. Bilduma mardula, nahiko prezio onean (12 euro) dendetako apalategietan aurki daitekeena.
Mizturaren Sacrifice abesti inguratzaileak irekitzen du CDa. Baretasunetik soinu eztandara arteko bidea motza da, eta modu batean, kantu honekin bezalatsu, diskoarekin hala gertatzen da ere, bare hasten delako, doinu gogorragoetara pasatuz minutuek aurrera egin ahala. Bukaeran baina, baretasun hori berreskuratzen du bildumak Jabier Muguruzaren Zure lapurra eta Maddi Oihenart eta Josetxo Goia-Ariberen Xori