Mal de Ojo
Klikatu argazkien gainean handiago ikusteko
Mal de Ojo taldeak Gaztelupeko Hotsak diskoetxearekin kaleratu du bere lan berria: Mestijaia. Euskal Herriko plaza gehienak festa eta umorez bete dituzte azkeneko urteetan beren rumba giroei esker. Autoekoiztutako hainbat lan argitaratu ostean, oraingoan diskoetxe baten eskutik kaleratzen duten lehen diskoa aurkezten digute. Aitor Atxega baxu joleak kontatu dizkigu lan berriaren nondik norakoak.
Esatea erraza izan daitekeen arren, zaila egiten da hamar urte atzera egin eta talde honen sorrera imajinatzea, batez ere gaur egun oraindik ez dugulako hauek bezalako giroetan nabigatzen duen talderik ezagutzen.
Garai haietan Euskal Herrian sortzen ziren giro rockeroei proposamen berri bat gehitu zitzaien horrela, rumba doinuez beterikoa.