entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Erreportajeak

bidali zure berria Bidali zure artikuluak
2012-01-04

Kooltur ekintza

Kultura eskaintza duina bultzatzea xede

Kooltur prograqmazioaren barruan Snobs-en emanaldia. Kooltur prograqmazioaren barruan Snobs-en emanaldia.

Klikatu argazkien gainean handiago ikusteko
Lotura erlazionatuak
Zer egin musika izugarri maite eta kontzertuetan gozatu ederra hartu, baina zure herrian eskaintza musikal (eta kultural) nahikorik antolatzen ez dela uste baduzu? Batzuk beren pasibotasun, kexa eta arranguratan itoko lirateke. Geldi egon ezin eta ekintzetara pasatzea besterik ez dakitenek berriz, elkarlanean kontzertuak, jaialdiak eta bestelakoak antolatzea besterik ez dakite. Arrasateko Kooltur Ekintza Kultura Elkarteko kideak bigarren multzoan deskribatzen den espeziekoak dira, zorionez desagertzeko arriskuan ez dauden bitxorraroak.

Ekimeneko kide den Haritz Zubiatek azaldu legez, abiapuntua sinplea da: hainbat urtez kulturgintzako esparru ezberdinetan jardundako zenbait lagunek, kultura eta batik bat musikarekiko interesak bultzatuta, Arrasaten, arrazoizko prezioan, kalitatezko emanaldi kulturalak eskaintzea gura genuen. Ideia aspaldikoa den arren, pare bat urte dira gauzak serio hartu eta asmoetatik ekintzetara pasa zirela. Hala, ekimenaren aurreneko emaitza 2010eko udazkenean egin zuten aurkezpen jaialdia izan zen. Ondoren, astero eta udan salbu, ipurterre koadrila honi esker, zuzenekoek ez dute ia etenik izan Arrasaten. Eta lagunartea diogu, egun, elkarte gisa erregistratuta ez daudelako, nahiz eta ez duten baztertzen etorkizunean elkartea eratzea, gauzak ondo egiteko, Arrasaten eta Arrasaterentzat kalitatezko ekintzak antolatzeko.

kultura eta batik bat musikarekiko interesak bultzatuta, Arrasaten, arrazoizko prezioan, kalitatezko emanaldi kulturalak eskaintzea gura genuen

Kontzertuak egiteko aukeratutako tokia Arrasateko gaztetxea da, erdialdean kokatua eta toki ederra delako kontzertuak antolatzeko. Horrela, Kooltur Ekintza zein herriko gazte asanbladak (AGAKO) jarduera kulturak antolatzeko konpromisoa hartu eta elkarren artean musika ekipo on bat erostea erabaki zuten. Zubiatek dio gaztetxean ibilitako belaunaldi ezberdinek betidanik izan dutela horretarako asmoa. Horrela, hasieran inbertsio potolo bat izan arren, etorkizunean kontzertu edo ekitaldi bakoitzeko halako bat alokatzeak izan dezakeen kostua ekidin daiteke eta askatasun gehiagorekin antolatu ditzakezu emanaldiok. Finean, do it yourself filosofiaren beste adibide praktiko bat.

Kooltur Ostegun arrakastatsuak

Asteburu batzuetan zuzenekoak antolatu arren, taldearen ekimen arrakastatsuena Kooltur Ostegunak izenarekin gaztetxean ostegunero talde edo bakarlari batek eskaintzen duen emanaldia da. Horren adibide, askok, ostegunero gaztetxera hurbiltzeko ohitura hartu izana, garrantzirik eman gabe bertan zein taldek joko duen.
Ostegunetako zuzenekoen arrakastaren gakoaz galdetuta, Zubiatek puntualitatea, emanaldi guztiek duten 5 eurotako sarrera finkoa eta kontzertuen formatua bera azpimarratzen ditu. Izan ere, ostegunero, gaueko hamarretatik aurrera eta ordu bete luzez, talde edo bakarlari bakar baten emanaldiaz gozatzeko parada dago soilik. Maiz, luzeak baino gehiago asetzen duelako ona eta laburrak denak.

Aniztasunak aberastasuna dakar

Gari, Capsula, the Hot Wok, Lobo Electrico, Fiachras, Willis Drummond, Naiz Roxa, Kerobia, Athom Rumba, Codigo Norte eta Anari dira orain arte ostegun gauez Arrasateko Gaztetxea zapaldu dutenetako batzuk. Baita Euskal Herritik haratagoko taldeak ere. Beraz, ezin aniztasuna zalantzan jarri, ezta taldeen maila ere. Argi dago kantitateari baino, kalitateari ematen diotela garrantzia.
Aipatu bezala, Kooltur Ekintza ekimeneko protagonista nagusia kontzertuak dira, nahiz eta etorkizunean ez dioten beste adierazpen kultural batzuei ateak ixten. Zubiatek argi du gaur egun Kooltur Ekintzaren bueltan daudenentzat naturalagoa da kontzertuak antolatzea, beti ibili gara eta musikari lotutako ekintzetan, nahiz eta, etorkizunean gustura antolatuko genituzke bestelako ekintzak: antzerkia, poesia emanaldiak edota argazkigintzarekin loturikoak, adibidez. Horregatik, ekimenak antolatzeko prest dagoen orok ditu Kooltur Ekintzako ateak zabalik. Eta arranguratan itotzen garen gainontzeko ikusleok, osteguna izan edo ez, aspertzeko beta gutxi dugu Arrasate aldean uda amaitu eta udaberriko loreak hazi bitartean. Zorionekoak gu.

Harremanetan jartzeko: koolturekintza@gmail.com

bidali zure artikulua Bidali zure artikulua
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.