Cristina Branco portugaldarra
Fadoa berritze-aldera egin duen 30 urteko abeslari portugaldar hau ezezaguna da kasik bere jaioterrian. Hala ere, bere ahotsa hedatuz doa Europan barrena, harrapatuz entzulea bere sareetan. Malenkonia eta bizi-pozaren artean, Cristina Brancoren izena gero eta ezagunagoa da, eta baita bere ahotsak uzten dituen urratuak ere: Bizitza, hainbeste eta deus gutxi...
Beti abestu dut. Baina niretzat eta lagunentzat soilik. Lotsatia nintzen. Oraindik banaiz. Behin, lagun batek fado areto batera gonbidatu ninduen. Entzun nituen gitarra horiek lehen aldiz, eta soinu hartaz maitemindu nintzen. Gero norbaitek abestera gonbidatu ninduen. Esan nuen, ondo, egingo dut. Hain naturala zen ... Gau hartan nire ahotsa erabili nuenean, zerbait gertatu zen, eta pentsatu nuen: Hauxe da. Ez dago atzera egiterik