Asian Dub Foundation proiektua 1993an sortzen da. Dr. Bass taldeko baxu joleak teknologia musikalari buruzko klaseak ematen zituen Community Music erakundearen barruan, eta Deeder Zaman izeneko bere ikasleetako batekin eta DJ Pandit G-rekin sound systema osatzen dute. Hasiera batean, arrazakeriaren aurka borrokatzeko antolatzen diren sound systemetan parte hartzen dute eta urte betera Chandrasonic izeneko gitarra-jolea eta Sun-J soinu teknikariarekin batera taldea osatuta geratzen da. 1995ean Facts and Fictions (Nation Records) izeneko lehen diskoa kaleratzen dute, Asian Underground bezala ezagutuko zen mugimendua indartzen den bitartean. Asiar jatorria duten eta Ingalaterran bizi diren etorkinen lehen eta bigarren belaunaldiko semeak dira eta, sustraiak ahaztu gabe, teknologi berriak eta musika estiloen aniztasunaz baliatuko dira, musikaren bidez sentimenduak eta aldarrikapen mezuak lau haizeetara zabaltzeko. 1998an, mundu mailan ezagunak egingo zituen Rafi